見工前,要準備啲咩?

見工究竟要準備定啲咩?????證明文件帶副本就得?Smart Casual 又代表係咩?化妝需要淡妝?濃妝?
快啲睇吓有咩小tips幫到你啦~

 

1.証書需要帶正!副!本!
HR同事有時需要睇睇啲証書嘅真偽,所以正副本都要帶。而求職者可以順次序以會考、高考或DSE、大學或以上學歷等擺放,以方便HR及僱主,同時可以俾人一個整潔嘅好印象。

 

2. 證件相可以帶2-3張
證件相可以帶多2-3張,並將雙面膠紙貼喺證件相背面,又唔洗帶多支膠水。

 

3. Smart Casual即係代表...?
可以唔洗太formal,亦唔好太casual。(小編都覺得講完好似無講咁...)
男士可以著淺色恤衫,深色長褲。千萬唔好著T-shirt,牛仔褲及短褲。
女士可著純色上衣(盡量唔好著吊帶裝),及配深色長褲或裙。
而鞋,就盡可能都唔好著露指鞋及波鞋。

希望大家都可以係見工嘅時候,留一個好印象俾你個未來僱主,見得成自己中意嘅工啦!