職場心事:HR的10個心聲

求職者好怕見HR,僱員們又怕HR煩。但HR都係有苦自己知...好無奈...

快啲睇下HR嘅心聲啦!

 

1. HR都唔中意做醜人
其實出memo都係公司同老闆嘅意思...HR都係負責打出嚟同公佈。怨有頭,債有主呀~~~

 

2. 最終決定人係老闆!係老闆!係老闆!
係~HR係有請唔請人嘅影響力,但係請唔請都要睇返你地上司同老闆!!!

 

3. 知道在職者返緊工,約interview時間都好難...但希望都考慮下啲HR...可唔可以約咁晏呀?

 

4. 請病假就唔該俾張病假紙嚟,收據呀...排隊籌真係唔得呀大佬

 

5. 求職者:我想試吓呀~試吓啱唔啱做...
HR心諗:其實都唔洗試㗎啦...你可以出返去㗎喇

 

6. 以為自己係CV寫高啲以前份人工,就可以叫高啲價?其實HR真係會打俾你舊公司攞reference㗎,到時你個誠信就真係收得㗎喇

 

7. 有時啲interview寸吓你,係想test下你其他野,例如EQ。唔洗咁快黑面同10問9唔應嘅~

 

8. 亦有時...HR問你野,有唔洗短答完就算嘅~可以簡單explain下都得嘅~

 

9. Annual Dinner真係HR仆心仆命之作!年年唔同主體,公司cut budget,同事又呻話啲獎品好cheap...
HR心諗:左右做人難呀!

 

10. HR都係打工㗎炸...唔係有魔法又或者有免死金牌,請多啲體諒